Korupsi Perangkat Desa, Camat Tarokan Ngaku Gak Kuat Nyawang Bojo Stroke
- account_circle Dian Memo
- calendar_month Rabu, 25 Feb 2026
- visibility 35
- print Cetak
info Atur ukuran teks artikel ini untuk mendapatkan pengalaman membaca terbaik.
Camat Tarokan Suharsono akhire blak-blakan ngaku nrimo dhuwit suap satus seket juta rupiah.
Dheknene dadi “broker” jabatan perangkat desa mergo butuh dhuwit gawe nambani bojone sing stroke.
Ono fakta anyar soal aliran dhuwit seket juta nang oknum polisi sing saiki wis tilar donya.
Sidang Korupsi Kediri Ungkap Aliran Dhuwit Panas Atusan Juta
ak iso selak maneh, Rek! Camat Tarokan, Suharsono, akhire pasrah pas lungguh nang kursi pesakitan Pengadilan Tipikor Surabaya. Sing maune meneng ae, saiki dheknene blak-blakan ngetokne kabeh “boroke” soal suap pengisian perangkat desa nang Kabupaten Kediri.
Suharsono ngaku nek dheknene pancen nrimo dhuwit panas sing totale satus seket juta rupiah gawe “ngatur” sopo wae sing isok dadi pejabat deso.
Nang ngarepe Majelis Hakim, Suharsono crito nek kahanan omahe lagi ambruk. Bojone jarene lagi kenek musibah loro stroke sing butuh ragat rumah sakit gak sithik. Mergo kepepet gak duwe dhuwit gawe nambani bojo, dheknene akhire nekat nrimo setoran seko kades-kades sing pengen “nukokne” kursi gawe wong-wongane.
“Wong nek wis kepepet nggo nyowo bojo, opo ae diterjang, Rek,” mungkin ngono batinne Suharsono pas nrimo amplop kandel kuwi.
Tapi sing nggarai hakim karo pengunjung sidang gedheg-gedheg, jebule dhuwit satus seket juta kuwi gak dipangan dhewe kabeh. Suharsono nyebut nek ono dhuwit seket juta sing wis disetorke nang oknum Kapolsek nang wilayah Kediri kono.
Iki sing nggarai ceritane dadi mbulet koyo benang bundhet. Masalahe, oknum polisi sing dituduh nrimo jatah kuwi kabare saiki wis tilar donya utowo meninggal dunia. Dadi yo angel arep dicheck bener orane, wong sing dituduh wis gak ono.
Praktek “ijol-ijolan” jabatan iki jane wis dadi rahasia umum, tapi pas dibukak nang sidang ngene iki, rasane koyo dikampleng sandal jepit, Rek.
Bayangno, arek-arek enom sing pinter lan sinau mempeng gawe ujian perangkat desa, jebule kalah kabeh karo sing duwe “peluru” dhuwit atusan juta. Integritas birokrasi nang Kediri bener-bener dikocok-kocok mergo ambisi pribadi lan kades-kades sing melu main mburi koyo Kades Kalirong, Pojok, lan Mangunrejo.
Senajan alasane nggarai trenyuh mergo gawe nambani bojo stroke, tapi jenenge hukum yo gak isok nggae perasaan, Rek. Hakim tetep negasno nek jabatan publik kuwi amanah, dudu ladang nggolek bathi pas ono seleksi perangkat desa.
Kasus iki dadi pepeling gawe kabeh pejabat, ojo pisan-pisan dolanan dhuwit rakyat nek gak pengen urusane dadi dowo koyo sepur.
Saiki kabeh wong nunggu, piye pungkasanne nasibe Suharsono iki. Opo bakal oleh keringanan mergo ngaku blak-blakan lan alesane nggarai melas, opo malah disikat entek karo hakim mergo wis ngerusak tatanan demokrasi nang deso. Sing jelas, warga Kediri wis kadung mangkel lan pengen kabeh sing terlibat diseret nang penjara tanpa siso.
Penulis Dian Memo
Penulis bidang politik, hukum dan pemerintahan dan informasi serta peristiwa di daerah
